Հաճախակի տրվող հարցեր

1. Որո՞նք են Լիուլիից գնումներ կատարելու առավելությունները: 

Դրանք բազմաթիվ են: Մենք կներկայացնենք մի քանիսը, իսկ մյուս առավելություններին դու կծանոթանաս գնումներ անելիս

• Մենք փորձել ենք ստեղծել այնպիսի հարթակ, որից օգտվելը շատ հեշտ և հարմար կլինի յուրաքանչյուրի համար: Ընդամենը մի քանի քայլով դու կարող ես գտնել, նշել և գնել քո նախընտրած ապրանքները` խնայելով ժամանակդ: 
• Մեզ մոտ այժմ ներկայացված են հայ արտադրողների ապրանքները: Այսպիսով` մենք փորձում ենք խթանել և աջակցել հայ արտադրողներին և նպաստել մեր երկրի տնտեսության զարգացմանը: Ձեռք բերելով հայկական արտադրանք Լիուլիից` դու նույնպես կարող ես ունենալ քո ներդրումը մեր երկրի զարգացման գործում: 
• Մեզ մոտ կգտնես հայկական արտադրանքի ամենամեծ տեսականին, քանի որ մենք հնարավորություն ենք ընձեռում հայ արտադրողներին ներկայացնելու իրենց արտադրանքի ողջ ներկապնակն առանց բացառության: Ի դեպ, մեր գործընկերների ցանկն ամեն օր ընդլայնվում է: 

Վստահ ենք, որ Լիուլիից գնումներ կատարելիս կբացահայտես շատ ու շատ էական ու շոշափելի առավելություններ, որոնք կդարձնեն գնումների գործընթացը հարմարավետ և հաճելի: 

2. Որո՞նք են գրանցված հաճախորդ դառնալու առավելությունները: 

Գնում կատարելու համար քեզ անհրաժեշտ է գրանցվել հարթակում: Բացելով քո անձնական էջը Լիուլիում` դու կկարողանաս հետևել քո պատվերի հաստատման և առաքման ընթացքին: Բացի այդ, քո էլ. փոստի հասցեին մշտապես կստանաս նամակներ մեր նոր տեսականու, զեղչերի, հատուկ առաջարկների մասին, ինչպես նաև կօգտվես մի շարք արտոնություններից: Արտոնությունների մասին մենք քեզ կպատմենք գրանցվելուց անմիջապես հետո: 

3. Արդյոք կարո՞ղ եմ պատվիրել ապրանքներ մի քանի արտադրողներից: 

Դե իհա՜րկե: Մեկ զաբյուղում կարող ես հավաքել տարբեր վաճառողների ապրանքներ և մեկ վճարմամբ գնել դրանք: Այստեղ կարևոր է ուշադրություն դարձնել այն հանգամանքին, որ Լիուլիից կատարված գնումների ժամանակ առաքումն իրականացվում է վաճառողի կողմից: Այնպես որ պետք է ուշադիր լինես, քանի որ տարբեր վաճառողներից ապրանքներ գնելու դեպքում հնարավոր է, որ դրանք առաքվեն առանձին-առանձին: Եթե հանկարծ պատվերներդ ամբողջությամբ չստանաս, չանհանգստանաս, իմացի՛ր, որ դրանք առաքման ճանապարհին են: Ցանկացած հարցի դեպքում հանգիստ դիմի'ր մեզ: Մեր մասնագետները սիրով կպատասխանեն քո բոլոր հարցերին և կաջակցեն ցանկացած հարցի դեպքում:

4. Որքա՞ն է կազմում առաքման վճարը:

Վաճառողները կարող են կիրառել առաքման միջնորդավճար, որն առանձին տողով կարտացոլվի զամբյուղում և ավտոմատ կգումարվի ապրանքի արժեքին: Շտապենք նշել, որ Երևանում առաքումը կիրականացվի հիմնականում անվճար: 
Առաքման միջնորդավճարների ամբողջական ցանկին կարող ես ծանոթանալ Առաքման մասին էջում: 

5. Քանի՞ օրում կստանամ իմ պատվերը:  

Տարբեր վաճառողների կողմից կիրառվում են առաքման տարբեր ժամկետներ. 1-3 օր` Երևան քաղաքում, և մինչև 5 օր` մարզերի դեպքում: Կախված մարզից` առաքման ժամկետը կարող է տատանվել, սակայն մենք գործադրում ենք մեր ջանքերը` գնված ապրանքները հնարավորինս արագ առաքելու համար: 
Առաքման ժամանակացույցի ամբողջական ցանկին կարող ես ծանոթանալ Առաքման մասին էջում:

6. Մարզերում առաքում իրականացնո՞ւմ եք: 

Այո՛, մենք քո գնումները կառաքենք ինչպես Երևանի տարածքում, այնպես էլ դեպի ՀՀ մարզեր: Այնպես որ մի՛ մտածիր առաքման դժվարությունների մասին և շտապի'ր կերտել քո գնումների պատմությունը Լիուլիի հետ:
Դեպի մարզեր առաքման պայմաններին կարող ես ծանոթանալ Առաքման մասին էջում:   

7. Ի՞նչ եղանակներով կարող եմ վճարում կատարել: 

Մեզ համար չափազանց կարևոր է մեր հաճախորդների առողջությունն ու անվտանգությունը: Այս օրերին թե՛ տեղաշարժն ու ֆիզիկական շփումը, թե՛ կանխիկի շրջանառությունը նվազագույնի հասցնելը կկանխի վարակի տարածումը: Կարևորելով մեր հաճախորդների առողջությունը` մենք որդեգրել ենք առցանց գնումների և անկանխիկ վճարումների քաղաքականություն: Այսպիսով, Լիուլիում գնումներ կատարելիս կարող ես անմիջապես և հեշտությամբ վճարումն իրականացնել տեղական կամ միջազգային բանկերի կողմից թողարկված քո ArCa, Visa կամ MasterCard քարտով: Եթե դեռ չունես բանկային քարտ, ապա դա հեշտությամբ լուծվող խնդիր է: Պարզապես կարող ես անցնել այս հղումով և առցանց պատվիրել քո քարտն Ամերիաբանկից: Ոչինչ չի կարող խոչընդոտել Լիուլիից գնումներ կատարել:

8. Ի՞նչ կարող եմ անել, եթե դժգոհություններ ունեմ առաքված պատվերի վերաբերյալ: 

Գնված ապրանքի կամ առաքման գործընթացի հետ կապված ցանկացած դժգոհության դեպքում կարող ես առանց վարանելու դիմել մեր սպասարկման մասնագետներին, ովքեր կանեն առավելագույնը առաջացած խնդիրը կարգավորելու և արագ լուծումներ գտնելու համար: Մեր մասնագետների հետ կապ հաստատելու համար կարող ես զանգահարել 010 513130 հեռախոսահամարով կամ նամակ ուղարկել shop@liooli.am էլ. փոստի հասցեին կամ թողնել հաղորդագրություն մեր ֆեյսբուքյան էջում: Քո ցանկացած խնդիր անմիջապես կգտնի իր լուծումը, իսկ քո առաջարկները կօգնեն մեզ կատարելագործվել ու օգտատերերի համար դառնալ ավելի հարմար և ավելի արդյունավետ: 

9. Ինչպե՞ս կարող եմ վերադարձնել կամ փոխանակել գնված ապրանքը: 

Եթե ստացել ես վնասված ապրանք, այն չի համապատասխանում քո ակնկալիքներին կամ պարզապես ունես այլ դժգոհություններ, կարող ես վերադարձնել կամ փոխանակել գնված ապրանքը, Սպառողների իրավունքների պաշտպանության մասին ՀՀ օրենքի համաձայն: Վերադարձի և փոխանակման մանրամասներին կարող ես ծանոթանալ այստեղ: Ամեն դեպքում, խորհուրդ ենք տալիս առաքման պահին համոզվել, որ գնված ապրանքը չունի թերություններ և համապատասխանում է կայքում ներկայացված նկարագրին: 

10. Ապահո՞վ է արդյոք վճարում կատարելը, և պաշտպանվա՞ծ են արդյոք իմ անձնական տվյալները: 

Անձնական, ինչպես նաև քո կողմից կատարվող վճարմանն առնչվող բոլոր տվյալները պաշտպանված են 3D Secure/Secure Code անվտագության տեխնոլոգիայով: Գնումներ կատարելիս կարող ես վստահ լինել, որ թե՛ անձնական տվյալներդ, թե' բանկային քարտիդ տվյալները, թե՛ վճարման մանրամասներն ամբողջությամբ պաշտպանված են: Մեր անվտանգության և անձնական տվյալների պաշտպանության քաղաքականությանն ավելի մանրամասն կարող ես ծանոթանալ այստեղ: 

11. Ինչպե՞ս կարող եմ մուտք գործել իմ հաշիվ, եթե մոռացել եմ իմ մուտքանունն ու գաղտնաբառը: 

Եթե մոռացել ես գաղտնաբառդ, հոգ չէ, հեշտությամբ կարող ես վերականգնել այն: Պարզապես անձնական էջ մուտքի պատուհանում անցիր «Մոռացե՞լ ես գաղտնաբառդ» հղումով և հետևի՛ր հրահանգներին՝ ստեղծելով նոր գաղտնաբառ: Եթե, այնուամենայնիվ, գաղտանաբառը վերականգնելիս խնդիրների հանդիպես, դիմի՛ր մեր սպասարկման մասնագետներին, և նրանք կօգնեն շատ արագ վերականգնել այն: Մեր մասնագետների հետ կապ հաստատելու համար կարող ես զանգահարել 010 513130 հեռախոսահամարով կամ նամակ ուղարկել shop@liooli.am էլ. փոստի հասցեին կամ թողնել հաղորդագրություն մեր ֆեյսբուքյան էջում: