47 Design
Կոնտակտային տվյալներ
«47» ընկերությունը, հիմնադրվելով դեռևս 2014 թվականին, իր գործունեության հիմքում դրել է մեկ գլխավոր նպատակ՝ ստեղծել հայրենասիրություն և հավատք սերմանող արտադրանք, որը կնպաստի hայ ազգի պատմության և հավատքի տարածմանը ինչպես Հայաստանի Հանրապետության սահմաններում, այնպես էլ սահմաններից դուրս:
Կարևոր ենք համարում նշել «47» ընկերության համագործակցությունը Էրեբունի պատմահնագիտական արգելոց-թանգարանի և Երևան քաղաքի պատմության թանգարանի հետ, որի արդյունքում ստեղծվել են Երևան քաղաքի հիմնադրման 2800-ամյակին նվիրված Արգիշտի Ա արքայի 2800 սահմանափակ քանակությամբ թողարկված հուշամեդալները։
Կարող ենք նաև առանձնացնել Հայոց Ցեղասպանության թանգարան-ինստիտուտի հետ համագործակցությունը, որի արդյունքում ստեղծվել են «1915» խորագրով յոթ հուշամեդալներ և գիրք, որոնք պատմում են հայ ազգի պատմության ամենածանր ժամանակների մասին։
Սուրբ Գրիգոր Լուսավորչին նվիրված հուշամեդալը առանձնահատուկ տեղ է զբաղեցնում «47» ընկերության արտադրանքի շարքում։ Հուշամեդալի ստեղծումը տեղի է ունեցել մեր երկրի և աշխարհի համար դժվար օրերին, երբ երկրում արտակարգ դրություն էր հայտարարված և երկիրը պայքարում էր համավարակի դեմ։
Հուշամեդալների վաճառքից ակնկալվող հասույթի մի մասը «47» ընկերությունը ուղղորդելու է բուսաբանական այգու տարածքում եկեղեցու կառուցմանը, ինչն էլ նմանատիպ պատասխանատու ծրագրերի շարունակական աշխատանքների սկիզբ կհանդիսանա։
Մտքում և սրտում պահելով հայ ժողովրդի անցյալն ու անցած ուղղին՝ առաջարկում ենք Ձեզ միանալ այս ազգանվեր գործին և միասին քայլ նետել դեպի Հայ ժողովրդի լուսավոր ապագան:
