Մեր գործընկերները - liooli.am

Arpi Jewels

Art is bag factory

Հոգեբաններն ասում են, որ եթե ցանկանում եք կնոջ մասին իմանալ ավելին, ուշադրություն դարձրեք նրա պայուսակին: Artis bag factory-ն պայուսակների արքայություն է: Գունագեղ ու ոճային, դասական, զուսպ, մինիմալիստական ու շատ ավելին: Մենք ստեղծում ենք պայուսակներ, որոնք ցանկացած առիթի պատրաստ են ամբողջացնել ձեր կերպարը: Artis bag factory-ում իր սրտի պայուսակը կարող է գտնել յուրաքանչյուրը: Մեր ապրանքանիշն առաջարկում է բնական, ինչպես նաև էկո կաշվից պատրաստված պայուսակներ, որոնք իրենց հարմարավետությամբ և բարձր որակով խոստանում են երկար ծառայել ձեզ:

Artuyt

«Արտույտ»-ը հիմնադրվել է` նպատակ ունենալով ճանաչելի դարձնել հայկական արվեստը թե' Հայաստանի ներսում, թե' նրա սահմաններից դուրս: Մենք ստեղծում ենք շարֆեր հայ ժամանակակից նկարիչների նկարներով և կոլաժներով։ Գեղեցիկ և յուրօրինակ շարֆերի միջոցով ձեզ հնարավորություն կընձեռնվի ճանաչել հայկական արվեստի բարձրարվեստ նմուշները՝ սկսած միջնադարյան մանրանկարչությունից մինչև ժամանակակից աբստրակցիոնիզմ։ Արտույտը համագործակցում է տարբեր թանգարանների հետ, որոնցից են` Երևանի ժամանակակից արվեստի թանգարանը, Սերգեյ Փարաջանովի թանգարանը, Սուրբ Էջմիածնի թանգարանները, Երվանդ Քոչարի թանգարանը, Մատենադարանը և այլն։ Բազմաթիվ նշանավոր մարդիկ կրում են «Արտույտ»-ի շարֆեր։ Նրանցից են՝ Գերմանիայի կանցլեր Անգելա Մերկելը, ՀՀ վարչապետի կին Աննա Հակոբյանը, ՀՀ նախագահի կին Նունե Սարգսյանը, Քիմ Քարդաշյանը, հայկական արմատներով կանադացի դերասանուհի Արսինե Խանջյանը, ռուս ճանապարհորդ-բլոգեր Դարիա Սիտորինան, Իտալիայի նախագահի դուստրը և այլք։ Մենք անչափ հպարտ ենք, որ «Արտույտ»-ը պաշտոնական նվերների մատակարարն է, և Հայաստանի... Ավելին

Baaags

«Baaags» ընկերությունը հիմնադրվել է Երևանում 2018թ.՝ իր առջև նպատակ ունենալով հայկական պայուսակների արտադրության մշակույթին նոր շունչ հաղորդել։ «Baaags»-ը նախագծում, պատրաստում և ստեղծում է պայուսակներ ու ուսապարկեր, որ ձեր ամեն օրը լցնի հարմարավետությամբ ու թեթևությամբ: Մեզ համար առաջնայինը որակն է և մեր հաճախորդների գոհունակությունը:

Behez

Բեհէզ նշանակում է վուշի նուրբ թելից գործված կտոր: Դեռևս հին ժամանակներում բեհէզյա հագուստը հարիր է եղել բարձր խավի մարդկանց: Բեհէզյա հագուստ են կրել թագավորները և թագավորական պալատի պատվավոր անդամները: Բեհէզ բառը հիշատակված է նաև Գրիգոր Նարեկացու տաղերում, որտեղից էլ և վերցրել եմ (<<Գեղեցիկ պատմուճանաւն զարդարեալ էր,ի կապուտոյ, ի ծիրանոյ, ի բեհեզոյ...>>): Բոլոր գործերը ձեռքի աշխատանքներ են: Դրանք յուրահատուկ են այնքանով, որ յուրաքանչյուր աշխատանքի մեջ դրվել է հոգի:

Bios

Bnatur

2014 թվականի նոյեմբերից ի վեր մենք նվիրում ենք բնատուր գեղեցկություն և փայլ: «Բնատուր»-ի խնամքի միջոցները պատրաստվում են բուսական ծագում ունեցող եթերային յուղերից, դեղաբույսերից, չորացրած պտուղներից, քերուքներից, թուրմերից ու խտամզվածքներից, աղացած կորիզներից, մի շարք բույսերի, ընդեղենի ալյուրից և կոսմետիկ կավից: Հիմնականում բնական բաղադրիչներով և ձեռքով պատրաստված խնամքի միջոցները ոչ միայն նախատեսված են առօրյա հիգիենայի և մաշկի խնամքի համար, այլև կարող են օգնել անբուժելի համարվող մաշկային հիվանդությունների դեպքում: «Բնատուր»-ի խնամքի միջոցների պատրաստման հիմքում հայկական, հնդկական, եգիպտական, հունական, եվրոպական և այլ ավանդական բաղադրատոմսեր են, ինչպես նաև նրանք, որոնք ստեղծվում են մեր հմուտ և հոգատար մասնագետների կողմից: Գեղեցիկը ստեղծելու և պահպանելու մեր ջանքերը գնահատվում են: 2015 թ.-ի ապրիլի 7-ին «Բնատուր»-ն արժանացել է ՀՀ վարչապետի պատվոգրին, իսկ 2019թ.-ին ՀՀ կառավարության կողմից մենք ստացել ենք «Մեր ժամանակի հերոսը» խորագրով մրցանակը:

Boged

Կաշվե պայուսակների և աքսեսուարների արտադրությունը պահանջում է գիտելիքներ, գեղեցիկի զգացողություն, ինքնատիպություն և նորը ստեղծելու մեծ ցանկություն: «Բոգէդ» ՍՊԸ-ն տարիներ շարունակ զբաղվում է պայուսակների և աքսեսուարների արտադրությամբ և հանդիսանում է այս ոլորտի առաջատար ընկերություններից մեկը: Ընկերության բարձրորակ արտադրանքը որակի, հարմարավետության ու բազմազանության խորհրդանիշ է: Բարձրակարգ մասնագետները պատրաստում են պայուսակների լայն տեսականի, որն իր բազմազանությամբ ու ինքնատիպությամբ կբավարարի նույնիսկ ամենաքմահաճ հաճախորդի պահանջները: «Միայն բարձրորակ արտադրանք, միայն բարձրորակ կաշվից»,- սա է «Բոգէդ» ընկերության կարգախոսը: Մեր նպատակն է գոհացնել հաճախորդներին և օգնել յուրաքանչյուրին կերտելու իր ինքնատիպ ոճը: Յուրաքանչյուր պայուսակ և աքսեսուար գնելիս տրվում է մեկ տարվա երաշխիք: Ընդունվում են նաև անհատական պատվերներ, որոնք իրականացվում են սեղմ ժամկետներում:

Bold Men

«Bold Men»-ը ընտանեկան փոքր բիզնես է, որը 2016 թվականին մի գեղեցիկ փոքրիկ երկրում հիմնել են երիտասարդ և ջերմեռանդ մարդիկ: Առաջին բույրը, որի նրբերանգները ծնունդ են առել յուրահատուկ բանաձևի շնորհիվ, ստեղծվել է ընկերության հիմնադիրների խոհանոցում: Մեկ տարվա ընթացքում նոր բույրեր ստեղծող յուրահատուկ խոհանոցը վերածվեց փոքրիկ գործարանի, որը գտնվում է Հայաստանի սրտում` Երևանում: «Bold Men»-ի տեսլականն է` զարգանալ և միջազգային հարթակներում մատակարարների և մանրածախ առևտրի միջոցով գրավել նոր հորիզոններ: Այս գեղեցիկ ոգեշնչումը, որը մենք անվանում ենք «Bold Men»-ի կիրք, ոչ միայն տղամարդկանց համար նախատեսված կոսմետիկ ապրանքանիշ է, այլ հոգեվիճակ է և կենսակերպ: Ստեղծման պահից ի վեր «Bold Men»-ի առաքելությունն է` ստեղծել մատչելի ապրանքանիշ և ապահովել լավագույն որակ, հետևել եզակի բնական արտադրանք ստեղծելու մեր առաքելությանը և դառնալ ազգային ապրանքանիշ: Մեր տեսականին առանձնահատուկ է, որովհետև պատրաստվում է սիրով և հոգատարությամբ: Ձեռքով պատրաստված և մեկ առ մեկ շշալցված արտադրանքը մեր յուրահատուկ... Ավելին

Ceramazart

ԿերամաԶարդ արվեստանոց-ուսումնարանը հիմնվել է «ԳՈՅ» Մարդասիրական Հիմնադրամի կողմից: ԿերամաԶարդում պատրաստվում են բացառապես անվտանգ՝ սննդային ջնարակով պատված, կիրառական և դեկորատիվ, Handmade կերամիկական իրեր, որոնք ամբոջությամբ պատրաստվում և նկարազարդվում են արցախցի տեղահանված վարպետների ձեռքերով: Կերամիկական ձեռագործ իրերը մեկ անգամ թրծվելուց (1050‘C) և ձեռքով մանրակրկիտ հղկվելուց հետո նկարվում և նկարազարդվում են արցախցի նկարիչ-նկարազարդողների կողմից, պատվում սննդային թափանցիկ ջնարակով և թրծվում երկրորդ անգամ: Կերամազարդի հիմքում հինը և ավանդականը արդիականացնելու, նորովի մատուցելու և այն մեր ամենօրյա կյանք ներմուծելու մոտեցումն է. հայկականը ժամանակակից է և որակյալ: ԿերամաԶարդը ԲԻԶՆԵՍ չէ, այն բարեգործական նախագիծ է, որի հիմքում մեր բարերարների նվիրատվություններն են՝ ուղղված մեկ նպատակի. ԱՐՑԱԽԸ և ԱՐՑԱԽՑԻՆ պետք է ապրեն արժանապատիվ և բարեկեցիկ: Դուք՝ գնելով ԿերամաԶարդի ձեռագործ կերամիկան, դառնում եք այս բարեգործական նախագծի մի ԿԱՐԵՎՈՐ մասնիկը և ՄԵՐ գաղափարակիցը: ՄԵՆՔ և ԴՈՒՔ չենք կարող... Ավելին